Islamic Center saknak nawl an hmu : New York khua um World Trade Center pi pawngah Islamic Center saknak nawl an hal mi hna cu U.S ramhum Obama nih kan hnu August 13 ah ahnatlak pi canghna. Hi world Trade Center picu September 11, 2001 lio ii ralhranghnanih an rak hrawh mi inn pi asi ii minung zong 3000 renglo an rak thih nak hmun asi. Cu inn pipawngah cun atu bantuk in Muslim pawlnih Islamic Center sak an timh mi Obama nih nawl apek hna caah, amah Obama zong Muslim asi ve ko lai tiah US mipi 70% nih an ruahcang. Obama tu nih cun US ramah Biaknak thleidan nak aum lo ati ve hna.

Vailam tung anphur : Thlacamnak dum, Mindat le Matupi lam ming 24 le falung 5 nak i tlang ah rak phunmi vailamtah cu 24th July, 2010 ah a cozah tthithruainak in phur/ thluk a si cang. Atu tan hi avoikhat nak asi lo. Lairam ah vailam tah phur piak lawng si loin, Kawl pura le phungki cang zong an sak/tuah chih ii Vailam tah tung pipi dir nak hnga dingah Pura tete an dir cang. Kawlram hrimhrim nih kawlram cu Buddhist ram asi ahau ati hnu in hi ti hin biaknak lei ah zalong lo ngai in Lairam ah an um cang hna. Hi an phur mi vailamtah hi 7th April, 2008 ni ah cozah hnatlak-pi-nak he rak phunmi a si.

November 7 ah Thimnak asilai : Kawlram ii atu lio abua bik mi thimnak cu Nvember 7 , 2010 ah kan tuah lai tiah Thimnak lei lutlai pawl nih thawngthanh nak an tuah cang. Hi thinak tuah duh ruangah tukum kawlram caminpuai cu tuan deuh ah phit asi lai. Hi thimnak kong he peh tlai in

88 lio sianghngakchia hrauti asi ve mi, Ramkhel le zalong lo in aum mi , 2007 lio sandahpiah nak ruangah tleih ii 65 thongtlak atongmi U Hte Kyaui nih " hi thimnak ah hin Pi Su Kyi le ram khel kongah ai tel khomi minung poh thimnak ah an ii tel khawh hna lawngah adik mi thimnak asi lai tiah achim. hi thimnak ah thimfung thlak lo dingin sianghngakchia cheu khat nih heh tiah an aupi len. thimfung thlak bak si le SPDC ca asi ko ti zong in ramkhel lei upa nih an chim chih.

Kawlram in The Trees Band Malaysia an kal lai : Kawlram hlasak minthang Nu 8 le The Trees Band cu Malaysia um kawlmi hna sin ah Sept9, 2010 ah hlasak nak in an tlawnghna lai. Mah khualtlawn nak ah hin Tha Zin, Sandi Myint Lwin, Waing Su Khain Thein te hna nih Nungak hmuhsaknak an tuah lai ii Hlasak nak zong an ngei chih lai. Mah hi hi The Trees Band ii an vawikhat nak lawngasi lo. mah an kaltikah sehlei tlamtlin lonak le tum lei tlamtlin lo nak aum sual lai ti phangngai in Band Manager Kaung Sat cu aum nain attha bik in kan tuah ko lai tiah achim .

Europe ah CHIN cup an tuah : Europe ah CHIN mi zapi huap in Avoi khatnak Europe Chin Cup le adangdang ii hawikomh nak cu 06-08 , August 2010 ah hluinghlai ngai in an tuah. hi a hin Holland Chin, Danemar Chin, le Germany Chin ti in ram rhum in an ii tel kho hna. Hi tuah nak hi Chin Community,Germany nih an tlawrel mi asi. Frankfurt,Germany ah an tuah. Denmar Chin nih Soccer he Volleyball he pakhat nak an lak. "Hi tuahnak ii aa ii tinh bik mi cu Laimino hna nih Chinmi an sinak philh lo nak ding, Europe um chinmi kan ii pumkhat khawhnak ding" asi tiah Zauk Sang nih LaiForum ah attiak. Hi ii hawikomh nak hi Kum Hnih Voikhat tuahdingin hnatlak nak zong an ngei.

Hmaikum tucu an peh rih lai ii hmai kum ah cun Norway, Sweden, England, zchech, le Switzerland tehna zong an ii tel kho men lai tiah Zauk Sang nih laiforum ah attial chap.

Bill Clinton le Hillary Clinton ii an fanu ngeih chun va angei : US president arak ttuan balmi Bill Clinton le atu lio US Secretary asi mi Hillary Clinton ii an fanu ngeihchun Chelsea Clinton ,30 cu July 31, 2010 ah Marc Mezvensky ,32 he Astor Courts ah Pumkhat sidingah tthit umnak an tuah cang. An mah he aineihdeuh mi chungkhar le an hawikom zong tampi an sawm hna. Bill le Hillary Clinton nih Marc cu an inn chungkhar si ve dingii lungawi tein an co hlan nak zong bia an chim. An fanu ngeihchun Chelsea ca hrimhrim zongah ni sung lawi tuk asi nak kong zong an chim balh. Mah aatthi um mi hna hi Stanford University an kai lio zongin aa thei mi an rak si cang. Mah puai hi Rhinebeck [New York khuapi], New York ah an tuah. Clinton hi American ttamhmawih lei ah minthang Vera Wang nih attamh mawih ii amah zong puai ah akal ve. James Ponet [Yale University Jewish chapalin] le Rev. William Shillady, New York's Park Avenue Methodist Church nih kutsih nak an ngeih ter hna. Marc hi Jewish asi ii Clinton hi Methodist asi. An puai tuah nak ah hin $3 million hrawngadih lai tiah an khanhman. Mah puai kongah khuaruah har asi mi cu Bill le Hillary ii an hawikom ttha taktak atu US president Barack Obama puai ah an sawm velo. Obama nih " president pahnih ii tel cu an duh lo ii asi ko lai" tiah ati ve. Etta James ii "At last" ti mi te kha laam nak ah an hman.

LIVERPOOL FOOTBALL CLUB : cawk ai tim i a caw khotu Tuluk Mirumpa :
Liverpool FC cu an zuarnak a sau ngai cang nain a man a fah caah a caw khotu ding an i bengbai. Cu hlan cu Arab/Dubai mirumpawl nih an cawk te men lai tiah an rak ruah. Nain ruah lopi ah Tuluk mirumpa nih cawk ding ai tim. Hi Tuluk pa Kenny Huang le tulio Liverpool neitu hna cu tthate in an itong cang. Kenny Huang cu Liverpool caah rianngeibik bank The Royal Bank of Scotland he zong tonnak an ngei cang. August 31 tiang lawng khi tu kum chung Club le minung i cawk le zuar khawh a si. Khi hlan hrim ah cawk ding a si cang.
Hi Tuluk mirumpa (kum 46) hi hawi dang bantuk si lo, daite in a ummi a si vulei cung mirum bik ah aitel nak ah a min theih tukmi a si lo. Sport le Sport he pehtlai mi chawlehnak hi a uar tuk caah naite i a hung langmi a si. The Guardian
[cc: Fidi phu , posted by Bawi Mang Lian ]

England ah Kawlram mi Puai : Kawlram Muicuang Nay toe, Htun Htun, Kyaw Kyaw Bo, Moe Yu San le Jenny cu kan hnu zarh Luly 26 ah khan England ram ah thil hmuhsak nak tuah dingah an kal cang. mah ah hin Kawl Dramaa te hna , cun Skit tehna, le Hip Hop Show tehna tuah dingin timhtuahnak an ngei August 31, 2010 tiang an caam lai. Aug 15 ii Pumpululh aa celh dingmi Liverpool le Arsenal puai zong zoh ding in timh tuah nak an ngei. [ cc : Kumondra ]

Ramkhel rian ka ttuan ko rih lai tiah Win Htein nih ati : Thong Kum 20 deng ralkap uknak tangah thong a rak um ko nain, Su Kyi ii Ramkhel ah arak bawmtu U Win Htein nih lungdong loin ramkhel rian ka ttuan ko rih lai ati. " Khii, ahlan te khan Sukyi ii zungrian ka rak ttuan peng ii, 95 ii ka chuah lio zongah mah bak cu tuah asi ii hmai lei zong mah lawngte cu maw ka tuah te hnga theih lo asi " tiah ati. Nain, Sitkaing ii Kahtaa thong in ka chuah hnu cun ngandam nak lei ah ka cham bau ngai cangii k ngandam huaha ti lo ii lungduh bangin ka tuah kho hnga maw ti cu keimah le kei mah biahlanak ka tuah tawn ti zong achim chap. Mah hi cu keimah le kei mah kaa hal mi asi. Zeiruangah tiah cun 89 lio ii Sukyi nih chak he thlang he kawlram pumpi acul lio ah khan ka rak zulh dawi khawh tuk, atu tu cu mah tluk khan ka tuah kho hnga maw ti ah keimah le kei mah lunghrin nak ka ngei. Nain mahruangah ramkhel ka ttuan tilai lo ti in ka al nak asi lo ti ah ati chap. Uu Win Htein hi Aluanciami kum 22 ah khan Ramkhelrian ttuan nak ruangah kum 19 le thla 8 thong ah an thlak mi ramkhel pa asi. [mizzima]

Htoo Ein Thin philh lonak ah Series thar achuak lai :Kawlram Rock hlaphuah/sak thiam Htoo EIn Thin [tleicia] Philh lonak ah Series thar achung le nih an chuah timh. Htoo Ein Thin nih 1980 kum in Pop Rock hla kawlram ah arak than ter tu hmasa asi ii atu tiang zong alaar thai . Kum 18 asi lio ah Solo in asak mi 14 tel in album arak chuah bal.Ahla pawl cu akhethmi peng rih ko. Kawlram stanard in atla rih lo. Htoo Ein Thin hi athi ding ah cun ano tuk rih mi asi ii a zaat hlan ah aciam ve mi asi.

Maradona cu Argentina Coach asi tilo : Maradona cu Argentina coach asi ti lai lo ti kong cu Argentina Football Association ii EC pawl biakhiah hnu in afiang. Argentina coach asi ti lai lo tiah EC pawlnih biakhiah nak an ngeih cang. Maradona nih AFA president pa zong ava ton ii Saachoh[ contract] tuah tthan dingin a va nawl. Nain, EC pawl biakhiah nak in Maradona cu aa din cang. Maradona nih Argentina coach ka ttuan ti lai lo tiah FIFA WC ii Germany nih an tei hna khan arak ti ii Coach rian in an thlak lai hrawngah cun coach ttuan rih ding in anawl hna nain asi khawh tilo ca'ah coach rian in aa din cang.

Myogyi ALbum thar achuak zau lai : Kawl ram Rocker hlasak thiam/minthang Myogyi nih Albumthar aachuah mi achuak zau lai. A album min ah hin "Yuulike" ti asi ii lai holh in cun " Ii laak " ti mi album thar asi. Hlaphuahtu pawl hi : Mg Mg Zaw Lat, Lin Lin, Ahnge, Myogyi, San No, le Sanpi te hna an si. PTL Stereo ah record tuah mi asi ii Iron Cross nih an chuah mi asi.

Tom Cruises nih Beckham Fitlaw ttuandingah a forhfial : Tom nih ahawi ttha Soccer celhthiam David Beckham Fitlaw ttuan dingin a forhfial nak kong ni zaan ah athang.Soccer celh thiam David Beckham U.S aa vun tthial hnu cun Tom he hin hawikom ttha taktak an si. Tom nih London ii Knight and Day timi zatlan aa zeih nak ah " Beckham hi Fitlaw ttuan dingah biatak tein ka sawm/forhfial ko. A mui/tungti zoh a dawh, a zi poh atlinh dih. Fitlaw thiam asi ko lai." tiah achim.

N.Korea bomhnak in Kawlram Nuclear bomb sernak kongah Clinton athin phang :Asia Ram mi pawl kan him nak kong ceihhmai nak Vietnam ah tuah an timh mi meeting ah tel ding in akal ve mi Clinton nih Kawlram nih N.Korea bomhnak in Nuclear an ser timhmi kongah zeitluk athin phan nak kong kha Asia ram hruaitu cheukhat sinah achimh hna. Ralkap uk nak Kawlram hi N.Korea nih raal thiamnaam apek mi tete ah hin [lunghrinnak] aum ning zong America nih atheihdih ko tiah achim chap beh. Mah bantuk thil kongtete hi Asia ram ca zongah ttih anung tukmi asi tiah ati. ARF meeting [asia rammi himnak kong] ah Kawlram kong biatak te ceih dingin Clinton nih cun achim chih. [DVB]

Eindra Kyaw Zin nih tthit umpuai lai chimchung te dingkong thawngathanh: 2004 lio ii kawlram Fidi [actress] ii Academy arak hmu mi le atu tiang kawlram Fidi ah minthang asi rih mi Eindra Kyaw Zin nih Weekly Eleven News Journal sin ah Mipi [audiences] sinah avaa pa ding he tthitumnak kong, thanh nak atuah lai kong achim chungcang. Mipi pawl nih cun aho dah Eindra Kyaw Zin ii a pasal cu si te hnga ti'ah hngah hlang cio in an um ko hna. Myanmar Celebrities Society timi Kawlram Fidi/Filtaw lei buu chimrel ning in cun 2009 le 2010 ah alaar ngai mi Kawlram Fitlaw [actor], Pyay Ti Oo hi a pasal ding cu asi lai tiah chim le rel asi. Pyay Ti Oo hi kan hnu hrawngtiang kha cu Fitlaw minthang That Moon Myint he an ii duh rua ti ruah lio pi ah mah bantuk MCS nih an chim mi bia ruangah mipi cu khuaruah har in an um ko. [Picture, Kumondra.com]

Tihnam ah inn hnih akaang : Hakha peng Tihnam khua ah kan hnu lei July 12 ah khan inn hnih akaang ii caza an cuai hna. " MahYahKah le Mitat [Meiralkap] nih inn kanghnak kong an hlat ii cazaa an cuai beh hna. Pu Hrang Uk inn in mei hi aa thok ii Pu Than Kung te inn zong akangh chih kong khuami nih an chim. mah mei akangh ruangah hin ting 50 hrawng an sunglai tiah khuami nih an chim chap. tukum chungah hin lairam ah inn kangh hi voi nga hrawng cu asi ii Nawlngeitu pawl nih an dot thlat ii bomhchanh nak tuah leh lo in tangka tu an liam ter hna [dan an tat hna] ti ah theih asi. [KNG News]

Ronaldinho cu AC Millan in aathial bal lailo : Ronaldinho cu Ac millan in kadang club ah kan kal ter hrimhrim lai lo tiah Berlusco nih Club angei tu hna le Italy PM sinah thawngzamhnak atuah. " Ronaldinho cu aatthial lai lo, kan zapi nih kan club ah celh dingin kan lung atling, amah bawlung chuih aatimh ko rih poh ah cun aathial kho ding asi lo" tiah Berlusco nih Press Conferrence ah achim. Bawlung chuih aa timh phot ko rih ah cun a contract[sachoh] hi kan peh lai ii AC Millan in aa celh ko rih lai. Keimah nih cun bawlung chuih thiambik si ko rih ti in ka hmuh tiah apeh chap.

Pastor Hoi Cung Tum Dallas lei arak tlawngve : Kawlram in Pastor Hoi Cung Tum cu US arak tlawng ii Dallas CEBC ah kan hnuzarh kha thawngttha achim ii zarhpi zaan Mi-Ee peng nih thlakhat voikhat Mi-Ee peng pumhnak zongah thawngttha achim chap. A mah Pastor pa zong hi Mi-Ee pengmi asi. Dallas in Greenville, IN ah crusade zarhkhat chung atuah lai ii cu dih cun Chicago ah Zarhkhat baak crusade atuah lai ii August 9 ah Kawlram ah akir tthan te lai.

CNF kongah America le Canada um laimi Upa cheukhat indiana ah tonnak an ngei:America le Canada phan laimi Upa cheukhat hna cu CNF konghe pehtlai in Emergency phun in July 17,2010 ah Indianapolis ah tonnak an ngei hna. Mah hi tonnak hi ramthumnak phan CNF committe nih an khan mi asi ii minung 50 renglo meetingah an kai kho. Pu ZingCung [chairman, CNF] zong aa tel kho ve. mah hi tonnak ah hin atu lio ramkhel umtuningkong, ralkap cawlcangh nak, cun mah cnf cawlcanghnak ah thazang ader nak le CNF an hmuh ningcio kong telin akenkip in an ceih ti thawngtheih asi. CNF hi atu nak lio cawlcangh ningnak in hmailei ah thazang atthawngdeuh mi si dingin zapi nih an ceihmi cu asi. CNF cu Chinmi zaapi ahuap kho ti sianghngakchia buu, Chinland dirhkamh tu thawngbik buu asi.Kum 20 chung a cawlcaang cangmi buu asi.

Chin Baptist Churches USA [ Former CBFA] civui aa lim cang : CBC USA civui pi cu hlunghlaingai in le tlamtling tein July 4, 201 ah Washington DC in aa lim cang.
Civui ah hin minung 700 tluk khualtlung an si lai tiah tawlrel tu nih an zumh. DC ummi Laimi hna he cun a thong renglo hrawng an si. DC ii Rev. Dr. C.Duh Kam te church CBMC hi inntek cu an si.
Mah Civui ah hin laimi lak ii kan pa le asi mi Rev.Dr. E. Za Bik, Rev. Dr. S.Hre Kio, Rev. G.Za Thio [ kawlram ah cah mi], Rev. Dr. Van Ni te hna le adangdang hna nih Thawngttha thlaici an vorh. Mah CBC USA civui hi kumhnih dan voi khat tuah mi asi ii tutan hi avoi thumnak asi cang. avoi linak cu Indianapolis ii CEBC church ah tuah asi te lai. Kum 2010-12 tiang hruaitu dingah hruaitu thar zong an ii thim beh hna.
2010 - 12 kum chungah hruaitu thar thimmi hna:
Executive Minister : Dr.C. Duh Kam (CBMC Pastor)
President : Rev. Ngun Awi (Dallas CBC Pastor)
Vice President : Rev. Tial Lyan (Texas CBC Pastor)
Asst.Executive Minister : Rev. Thawngling Mual Hlun (CEBC, Indianapolis Pastor)
Ngunkeng : Pu Kep Ling (ICBC Khrihfa upa)
Ngunkeng bawmtu : Rev. P. Dar Kham (ZCC Pastor)

...........................................//.............................................................................................

Spain nih champion an laak : Mipi nih kum li chung kan ii hngah hlang tukmi 2010 WC pi cu July 11, 2010 ah S.Africa pi in adih ko cang. Ruah lo pi in Spain nih Champion an laak ko. Spain hi avoikhat nak champion an laak asi ve ii an ii lunghmuih khun ko hna. Final zong arak kai bal lo mi, an voi khat final kai nak bak in teinak a hmu mi an si.

[ Spain team , 2010 FIFA WC ., S.Africa]

Golden Ball World Cup 2010 a chuihmi lak ah a thiambik tiah an thimmi Diego Forlan nih suibawlung a co.
Diego Forlan cu Uruguay hmaikal a si. Mah hi journalists nih an thim hna i vote an pek tambikmi an si hna. Netherland Sneijder nih ngunbawlung aco ve ii David Villa zongnih Dar-bawlung aco ve.
Sui kedan le Mino lak ah bawlungchuih thiambik ti mi laksawng cu Thomas Muller, 20 [Germany] nih ahmuh.A nih hi tutan wc chungah kawl 5 angei ve mi asi ii puai khat cu an rak bar ve. David Villa cu ngun-kendan an pek i Sneijder cu Dar-kedan an pek. Mah hi laksawng pek nak dingmi hna hi Journalist nih an thimmi hna an si. Spain captain Iker Casilas cu goalbawh thiambik laksawng an pek i sui kuthruk an pek.A nih hi WC kawlbawh in kaa din canglai ati tu asi ii tutan ah Champion amah captain si lio ah alaak pi hna tikah amah hi ahleice in aa lawm khun ko rua.

..........................................................................................................................................
..........................................................................................................................................
Tukum Worldcup ah a chuak mi theih hlei te te a tang ah kan vun tial chih hna.

1. Pakhat nak a hmu mi ram Spain
2. Pahnih nak Netherland
3. Pathmnak Germany
4. Palinak Uruguay
5. Sui Bawlung a hmu tu Diego Forlan ( Uruguay )
6. Sui kedan a hmu tu Thomas Mueller ( Germany )
7. Mino a thiambik Thomas Mueller ( Germany )
8. Goal Bawh thiambik : Iker Casillas ( Spain )
9. Bawlung chuaih aha thianghlim bik ram: Spain
10.Goal tambik a thun tu ram : Germany ( Goal 16 )
11.Goal a tlawmbika thun tu ram:Honduras le Algeria ( 0 ) ve ve
12. Goal tambik a chuah tu ram :N. Korea ( Goal 12 )
13. Goal tambika sut tu ram : Spain ( 121 )
14. Goal tlawmbik a sut tu ram :New zealand ( 15 )
15. Goal tam bik a khamh tu :Richard Kingson ( Ghana) 24
16. Foul tambik ram :Netherland ( 126 )
17. Foul tlawmbik ram :N Korea ( 26 )
18. Player foul tambik :Keisuke Honda ( Japan ) 19
19. Foul tamnak bik puai :Paraguay le Japan 55
20. Foul tlawmnak bik puai :Germany le Englad 13
21. Yellow cards tambik ram :Netherland 22
22. Yellow carde tlawmbik ram :N.Korea 2
23. Yellow cards tamnak bik puai :Netherland le Spain ( Final zan ) 13
24. Pass tambik Team :Spain ( 3803 )
25. Pass tlawmbik Team :New Zealand ( 663 )
26. Pumpak in pass tambik tu :Xavi ( Spain ) 669
27. Goal lut zapi :145
28. Yellow cards zapi :246
29. Redcards zapi :17
[Source :, Thangzalian post to Lai Forum]

Webb Howard nih Refree FInal ah attuan lai : Englishman Webb Howard nih Netherland le Spain WC Final Soccer City Stadium ah Refree attuan lai ii Mike Mullarkey le Darren Cann nih an bawmhlai. Webb Howard te ram nih Final ah refree an ttuan lo nak hi 1974 khan asi cang hnu ii amah nih avun ttuan tthan cu a lung hmuih khun ve. " Atu puai an chuih lai ding mi ah hin fiang te in le Dai te aa lim khawh nak dingah cun pakhatkhat le pakhat ii bawmhchan [ teamwork] hi abiapi bik asi ko" tiah Webb Howard ati.

Mani The Psychic Parakeet nih Netherland nih Champion an lak lai ati : Octopus nih cun Spain nih an tei lai ati ve ban tuk in Parakeet nih cun Netherland nih atei lai ati ve. [Sky News] Parakeet ii predict nak le Octopus ii predict nak cu an ii kalh taktak. Octopus cu amin laar ngai cang. Nain, Parakeet cu alang tuk lo. WC dih in aho dah ahman ti cu an ii hngah hlang cio ngai ko.

2014 WC cu Brazil ah an timh lamh : 2010 S.Africa FIFA WC ucu adih cuahmah cang ii

ara lai dingmi 2014 ca ah cun Brazil ah tuah dingin timhlamh nak an ngei. S.America ii FIFA WC an tuah lo nak hi 1974 khan asi cang. Sepp Blatter nih " Bawlungcu Biaknak pakhat asi. Brazil nih hin bawlung ramah tuanbia ttha te nn ttial cang. Champion voi nga nan lak cang. Bawlung hi chuih sawhsawh ding asi lo. Nunphung pakhat asi. Laam phun khat zong asi ii Fimnak phunkhat zong asi tiah " 2014 Brazil FIFA WC kong ceih khan nak ah forhfial ak ah achim. [ cnn.com]

2010 WC Addidas Golden Ball a coding an thim chung canghna : FIFA GS le Addidas Group CEO nih tukum WC ah Addidas Golden Ball aco ding mi hna minung pa hra [10] an thim cang hna. Hi thim nak hi FIFA Technical Study Group le Bawlung le thiamsang pawl nih an zoh hna ii Nominees an tuah mi asi. Thim mi pawl hna cu : Diego Forlan (URU, shirt #10), Asamoah Gyan (GHA, 3), Andres Iniesta (ESP, 6), Lionel Messi (ARG, 10), Mesut Oezil (GER, 8), Arjen Robben (NED, 11), Bastian Schweinsteiger (GER, 7), Wesley Sneijder (NED, 10), David Villa (ESP, 7), Xavi (ESP, 8) mah hna hi an si.

Addidas Golden Ball arak ngah bal mi pawl :

1982 FIFA World Cup™ Spain: Paolo Rossi (Italy)
1986 FIFA World Cup™ Mexico: Diego Maradona (Argentina)
1990 FIFA World Cup™ Italy: Salvatore Schillaci (Italy)
1994 FIFA World Cup™ USA: Romario (Brazil)
1998 FIFA World Cup™ France: Ronaldo (Brazil
2002 FIFA World Cup™ Korea / Japan: Oliver Kahn (Germany)
2006 FIFA World Cup™ Germany: Zinedine Zidane (France) [Fifa.com]

Spain nih Champion an colai : Tukum 2010 FIFA WC cu Spain nih an co lai tiah Paul nih atuah mi Octapus ii Predict nak nih alanghter. Octopus nih Germany hi voiruk tiang Predict atuah ii voi khat hmanh apalh rih lo ii atu tan ii Spain le Netherland kongzong Predict atuah chung nak zong ah Spain nih an tei hna lai tiah Predict atuah chungmi zonghi apalh bal te lai lo ii ahman te ko lai tiah an chim phai len. Cun Pathum nak aa cuh ding hna ca zongah Predict atuah chungii Germany nih an tei lai ii Pathum nak an lak lai tiah alanghter chap. Spain PM tiangnih Paul tuahmi Octopus predict nak cu an lunglawmh nak an langhter ve. [guardiang.co.uk]

Lebron James Miami Heat ah aa tthial : Atu lio ii Basketball ram ah amin athang takmi Lebron Jame nih nizaan ah Miami Heat ah aa tthial nak kong TV in thawngthanh nak atuah. Dwyane Wade le Chris Bosh he Miami ah an ii tthial ii Miami Heat pawl cu an ii nuam tuk hna.. Nizan James ii thawngathanh lio cu Cleveland le Miami Heat pawl ko TV khat lulh in azoh mi an si. Heat ah aa thial nak lai kong a vun chimbakin cun CLeveland pawl mithmai le Miami Heat pawl mithmai cu aa dan ning hi afak tuk. James nih hin Wade le Bosh he celh tti hi arak duh cem mi arak si ve ko. Aralai mi Session cun Miami Heat ah aa celh canglai. {NBA}

Octopus nih World Cup final ai cuh ding kong achim chung: Spain nih Germany an tei lai nak dingkong hi Octopus ti mi ngaa phun nih predicts [ achimchung] atuah cang ca'ah cu tluk in Spain nih an tei hna zongah an ii nuam tuk lo. A ruangcu Octopus timi ngaa nih Predicts atuah mi kha ahman ca'ah asi tiah guardian.co.uk ah an ttial. mah Octopus ii Predict atuah mi hi Germany puai ca deuh ah asi ii Germany nih Argentina le England an tei hna lai nak zong arak chim chungcang, Serbia sin ii Group Stage lio an sungh lai zong kha. Mah Octopus cu Paul ti mi pa nih atuah mi asi ii, Paul cu alaar ngai. Nain, mi zapi nih cun an uar thlu lo. Germany nih Argentina 4-0 in an tei hna hnu khan Argentina pawl nih mah Octopus cu kan thah lai ii Paella ah kan chiah lai ti tiang in an tthih pheih ve. Bookmaker William Hill zong nih Paul cu aupat tuk ii Zarhpini ii Final aa cuh dingmi Spain le Holland kongzongah Predict atuah te lai ti ah zumhnak angei. Paul nih hin atu bantuk Octopus hmangin atuah mi chungah hin arak palh bal ko. nain avoi tam lo. Germany le Spain 2008 Europian Championship lio ii predict arak tuah mi cu apalh ii Spain nih 1-0 in an rak tei hna. Cu ruangah mah arak palhnak khan tam pi tthat nak ahmuh ko rua tiah Mark Tan nih Guardian.co.uk ah attial. [ http://www.guardian.co.uk/]

Lebron Jame nih aa celh nak ding game thaizaan cun achim cang lai: Lebron Jame nih thaizaan cun ESPN channel ah aralai mi session ah zei game ah dah ka celh lai ti cu thawngthanh nak atuah te lai. $96m le $125m hrawng ngah ding in Sachoh[Contract] tuah dingasi... Cleveland Cavaliers sinah ii celh dingin min atthut tthan ah cun atang ka hmuh sang deuh ding asi, nain team dang ii aa thial ah cun a hmuh ding azor deuh lai. Dwyan Wade le Chris Bosh cu Miami Heat ah an ii thial ii Lebron nih hung kan pehtlai seh law kan sin ah ii celh ve seh ti an duh ngai.Lebron Jame hi NBA ii acelh mi vial te lak ah mino bik lei cem asi. atu lio Basketball ram ah alaar khunmi mino te asi.

Cheryl Cole Malaria in a zaw : Cheryl cu aluancia mi zarhthum lio ii Tanzana ii Holiday alak nak in Malaria zawtnak in atlunh ii Sizungah aum ko tiah Cheryl kong chimnaknawl ngeimi nih thawngthanh nak a tuah. " Cheryl cu anuam ti lo. Atha baa peng ii zeituah hmanh ahuam lo. Adonghnak ah cun mah khakha azawtnak aa awt hrawng arak si ai" tiah ahawi le nih Daily mail ah an chim. Zarhpini zaan lei ah, lam achuk lei ah khin rangnawn in attum ii athlan hripi nih apeih, atha aum ti lo ii athir cuah mah mi cu achiatnak lei arak si. Cheryl cu sizungah caan zeimawzat cu aum rih ahau tiah zumh asi.

Coach Joechim Low ruahchan nak : Germany mino hna nih an zumh nak hi an nun pi pengko rih lai England 4-1 in tei in Argentina he Quarterfinal ah chuih kho ding an si hnu cun. " Hi kan team ah hin lungkhat te kan si hna ii kan lung aarual hna. England pawl kan tei hna nak thawn inzumhngam nak le thazang thar tam pi kan ngei." tiah Germany Coach nih a chim. 2006 lio WC ah Germany cerhtual lio ah Penalties in Germany nih Argentina 4-1 in an rak tei bal hna. A mah balte atu tiang Argentina he an ii tluk sual ah Penalty sut ding minung athim rih hna lo. Penalty chuih cu biatak te in an cinh ko cang. [fifa]
Ghana nih an zulhmi lam peh zulh ding timhlamh nak nganpi an ngei cang. Ghana nih African ram chung in a voikhat nak WC ah Semifinal tiang kai kho ding in an ii zoh.
Elano ake hma ruangah WC Quarter final ii Holland {Netherland} he an chuih nak ah achuih kho lai lo.
Mexico Coach rian aa din: Javier Aguirre cu WC ii round of 16 ah Argentina nih Mexico 3-1 in an thlak nak hna in ani thum nak ah Mexico coach in aadinh kong Mexico City ii conferenc pakhat ah " ka kal ahau ko, mah cu cu tuah awk tlak bik ka tuah mi asi ko." tiah ati. A mah nih 2002 WC lio zong coach arak ttuan piak hna ii Round of 16 bak ah US nih an rak thlak bal hna. atu tan he cun a voi nga nak round of 16 ii an tlak asi cang. Javier Aguirre hi National Team coaches vial te lak ah lahkhah sang bik lei asi. Italy Coach le England Coach lawng nih tam deuh an ngah lai ti ah zumh asi. USA coach Bob Bradley ii ahmuh mi 10 karh tluk in a hmuh.[guardian.co.uk]

World Cup Thawngpang tete :

Holland he ii ton cu final bantuk asi: Brazil Coach Dunga nih " kan theihcio bangin Netherland ii achuih mi team hi cu an thawngii doh awk an har tuk. An bawlung celh hi S.American bawlung celh he aa lo ngai. A hnukham in ttan an ii timlo, bawlung ttha tein a langpar in an ii pe. Thiamsan nak ngan pi an ngei ii timhcia tein kan um hau. A hak mi team an si."

Spain nih Tuanbia attial khawh ; Spain ii an Manager Vicente del Bosque nih Spain nih hin tuanbia thar achuah pi khawh ti ah Portugal an tei hna in achim. " Ronaldo he ii ton le ii chuih tti cu ahar tuk ti cu theih cio asi. zeiruangah tiah cun keh in orh ah aduh ning in bawlung atthial khawh, cun alai lei zongah atlik khawh ca ah asi. A thil ti khawh ning cu theih dih cio asi. Nain asin iibawlung um ii tei azuam poh ah kan chuh khenh lengmang. Portugal cu ii zuam nak le hmaikal ah an thiam tuk nain kan Hnukham ttha taktak pawl kan ii ngeih hna ii an kham khawh hna." tiah apeh chap.

David Villa cu kawlngeitu asi: " D.Villa cu Spain nih kawl kan sut khawh nak dingah rian ngei tu bik asi.kum 17 ka si lioah kawl ka rak sut loah cun ka khuaruah ahar nain atu cu asi ti lo." tiah Torres nih ati. Fernando Torres cu tutan world cup ah abiapi bik kawl suttu David Villa bawmchan tu ttha cem asi.

Del Bosque nih Paraguay attihzah hna : " hnukham ttha taktak an ii ngeih hna lawng si lo hmaikal tthatha zong an ii ngeih hna. Ralring te in le Upat nak te in mah zuamnak hi tei dingte in kan ii celh ahau.Zeitluk in awn ahar kan theih dih cio, zeibantuk bawmhnak hmanh kan laa lai lo. Tihzah nak ngan pi he hi kan ral hi kan doh awk asi tiah" Del Bosque nih achim.

Thawngpang bultan

Kawile, sorry bak si,.. va a kan ngeih taak awk cang.. 2008-2009 chung ah hollywood nu ah sexy/mithlaang bik a simi Megan Fox cu va a ngei cang tiah vulei cung thawngzamh ca People le TMZ tbk. vialte ah ai ttial cang. Kan hnu zarh ah khan Hawaii ah an va tlawng, an vai dinh pah in tthitumnak an tuah tiah a thang. Hi hna pahnih hi an i duhnak a sau ngaingai cangmi a si. Fox nih atu a vapa Grenn hi a duh tuknak kong kan hnu zarh ah khan a rak chim fawn cang. Fox le Green hi voi hnih kelte i hamnak an rak tuah. Voi 1 cu 2006 ah a si i 2009 ah a rak rawk. Nain naite ah ah khan, ihamnak an tuan tthan kong an chim. Cu hlan ah a vapa Green hi nu dang sin in fanu te a ngei. Megan Fox hi Transformer movie khan biatak te in theihmi a hung si. Cun, Hollywood nu vialte lak ah a hot/sexy bik a si pinah magazin kip ah vulei cung nu dawh ah thim a si tawn. Jennifer`s body, timi movie zong ai thla i hot dom. Transformer 3 ah cun kan hmu kho tilai lo, aruang cu a tthia deuh vak i an duh ti lo.

Blatter nih Ngaihthiam a hal hna: FiFa Hotu Sepp Blatter nih Refree/bualupa daithlannak ruang ah World Cup in a tla diammi England le Mexico cu ngaihthiam a hal hna. "Tutan kan tonmi he pehtlai in FIFA meeting ah video/tecnology hman ding kong ceih tthan ding a si lai," tiah Batter nih a chim. Refree nih i palh in rian an ttuan tikah ka lung a ttha lo ngaingai, nain ka tuah khawhmi cu anmah (a sungmi he) ka va ton hna i refree nih an palhmi kong ah ngaihthiam va hal kha a si, a ti. Ka lung ttha lo tuk, zei tluk indah an i lungsi lo le mi nih an sawi hna kha ka ruah piak thiam tuk ko hna, tiah The Guardian ah chim.
Liverpool Manager Thar ding: Fullham manager a ttuan liomi Hodgson cu Liverpool ah Manager a ttuan cang lai, tiah BBC nih chim. Benitez an chuah hnu in amah chawngtu ting an kawl lengmang hna, Liverpool cu minthang club lian pakhat a si caah mi tampi nih ttuan an duh. Martin O'Neill, Manuel Pellegrini Alex McLeish te hna hi Liverpool ah ttuan ding in intervio an tuah, nain Hodgson tu hi Liverpool caah a tthabik ko lai, an ti i i tu zarh in cun Liverpool manager a si cang lai. Premier League onnak ah Liverpool le Arsenal an chuih te lai.


Henry le YaYa Toure Barcelona in an lo cang lai: Arsenal ah a minthag i a lar tukmi Terry Henry cu Barcelona ai tthial hnu in a lang tuk ti lo. Kan hnu season le bang kha cu a chuih lo tluk a si. Cu pinah World Cup ah minute 25 te lawng a chuih manh. World Cup South-Africa i a kal ve hmanh hi Boss thar kawl ruah ah a kalmi a si, tiah an chim. Atu hi USA New York club pakhat ah i tthial dawh in a um. Barcelona nih David Villa an lak khawh cnag caah Henry tepawl cu i tthial cu ahau tak ko rua. Toure cu Man City ah a chuih ding 90% ai fiang cang i a upa he an chuih tti te lai.

Venus Williams tei khawh in ai lawmh ning: Venus Williams cu tulio London i an tuk cuahmah mi Wimbledon hi voi 5 a rak tei bal, nain nihnih-ni ah Bulgeria nu Tsvetana Pironkova (cung foto) nih 6-2, 6-3 in a tei caah inn ah a tlung diam cang. Williams hi 2006 thok in tutan lawng hi final a kai lo a si. Tsvetana Pironkova hi vulei cung tenis tumi ah 82nak lawng a simi a si nain Williams hi suimilam pakhaty le minute 25 lawng a tukpi. Tsvetana Pironkova le Russia nu Vera Zvonareva cu Semifinal ah an i tong te lai.

Source ., [fidi-phu@googlegroops.com, biruahnak. Post by Salai Bawi Mang Lian]

Thawngpang Bultan

Zarhte 26, june ah England le Germany an chuih ding cu vulei pumpi minung nih an cuanh ko. Tulio cu G20 iton lio celngel a si hoi i FIFA World Cup 2010 i Germany le England an chuih lio cu Meeting tuah lo bak in TV hmai ah Germany President nu le England Prime Minister thar cu Room pakhat ah an tthu ti lai i an zoh lai, ti a si. Ahodah ni lai i ahodah a ttap lai? Football team pawl cu an i ngamh tuk veve ttung.

England le Germany fulltime ah an i tluk i Penalty chuih ding an si ahcun, England in a chuih ding Capello nih a thim hna i:

Frank Lampard, Steven Gerrard, Wayne Rooney, James Milner le Gareth Barry nih penalty an chuih hmasa cem te lai.
Germany hi Penalty chuihthiambik ah an cang i 1976 thok in naite i Germany hmaikal Podolski nih Serbia he an chuih ah penalty a goal lo mi lawng kha, an ngah/goal lo a si rih. Cucaah kum 44 chung ah Poldoski kha Germany in penalty a goal lo hmasabik a si. M Ballack kha penalty chuih thiambik si men hnga?

England le Germany an chuih tikah i Refree a ttuan ding Jorge Larrionda (Uruguay) hi bualupa a ttuan chung 1999thok in tuni tiang ah 70% redcard a piah hna tiah Guardian nih a chim. Hi pa hi England le Germany chuih tik caah an hman ding a si, caah hi team hnih cu ralring ngaingai in an chuih a hau lai. A hnu bik Refree a ttuan ah khan Sersia le Australia an chuih ah a si i Man U hnukham Vidic redcard a pek. 2006 WC (germany) ah khan Italy le USA an chuih lio ah a rak chuah veve hna. A hmai kum COPA CUP ah refree a va ttuan nak puai 6 chung ah minung 6 redcard a rak pek hna. Hi ruang ah hin, England le Germany an chuih cu a linhsat a sual lai, tiah football expert pawl nih an chim. Ram innpa pawl last16 ah an i tong hna hi mu.
Tu kum WC a mak khunnak cu last16 ah hin ram innpa an i tong len hna. Europe chung in Spain le Portugal, South-america in Brasil le Chile. Khat leiah, Germany - England, Argentina - Mexico, le The Netherlands le Slovania hna hi konttinenh pakhat chung ram ai neihdeuhmi ai tong ding an si hna. Hi ti tuak in cun, konttinenh dang veve final kai te dawh ngai in a um ko.

M. Ballack nih Chelsea a kal taak.

M. Ballack nih Chelsea a kal taak. World Cup (WC) laite a ke an khawng ruang i Germany team in ai tel kho lomi M.Ballack cu Chelsea nih an duh ti lo caah Chelsea a chuah taak cang. Ballack nih hin Chelsea ah um a duh rih ngaingai rih nak kong cu a chim lengmang nain a si thiam ti lo. Liverpool le Tottenham nih an duh ngai ve nain Germany Club lian ngai Bayer Leverkusen nih an cawk cang caah tutan season cu Ballack mui hmuh a har ngai cang lai, Champions League hna i an i tel lo cun. Real Madrid nih an duh tuk nain, an tlaideuh hoi. Bayer Leverkusen ah hin season pahnih 1999/2000 le 2001/2002 ah a rak chuih bal fawn.
Rafael Nadal nih England siangnuhrang a tong duh lo:
FiFa world cup cu laimi biaruahnak group kip ah a linsa. Vulei pumpi huap in a linsa. Cu bu ah tennis hi a duai kho bak lo.

London ah Wimbledon- tournament ah ai zuam cuahmah mi tulio Tennis Cakei, Spanish Rafael Nadal cu England Siangnuhrang Elisabeth nih iton ding in a sawm, nain a tong lo. Aruang cu Netherlands’ Roben Haase he tennis a tu ding an si caah a kal lo kha a si, an ti. Siangnuhrang Elisabeth ka ton khawh lomi cu a ka deuh tak ko, ton ka duh ngaimi a si. Nain tu puai ka tuk mi kha a biapi tukmi a si caah a si ko, tiah Nadal nih a chim. Kei ka duh ning ah cun, ka tuk lio kha Elisabeth nih rak zoh ve seh law, ka tuk dih in ka ton khawh hnga, a ti salam.

King oF poP a thih kum 1 tlinnak Fidi nih kan philh lo

Ruah lo pi in kum 50 a si ah a thi mi Pop Siangpahrang Michael Jackson cu a thih ni ah vulei pumpi nih amah theihtthan nak an tuah i hlasak thiam tampi nih a hla an sak, TV ah a kong lam an cuan ter. A thihnak kong he pehtlai in a siibawipa le a chungle an i cheih peng rih ko. Michael hla pawl hi ka uarmi an tam. 1998 Kalaymyo ah vedio ka rak zoh huam ngai i film an thok hlan ah an rak piah tawn caah a hlapawl ka rak thiam hrulh hna i lam zong thiam lak in a rak ka chimh deng ve. A thih ni theihthannak cu Germany (Berlin) le India ko ah sunglawi in an tuah. M. Jackson a thih kum ah a hlaphel 24 million an zuar.
North-Korea Uktu an i thleng zau lai, tiah bia a thang. Aruang cu atu lio hotu khi a dam lo tuk cang ti a si, nain a chawngtu ding zong hi amah reng lo si dawh in an chim. A tupa/fapa nih chawn dawh. Kawlram uktu pawpuarpa zong khi thih deng dawh in a um nain, amah chawngtu ding hi amah he dang lo, thluak a ronh pengmi a si te kho fawn ko. ):
Twilight film chuak thar ding hi rak zoh ve hrim te uh. Ka zoh ve te lai. A film a hot ngai lai tiah manus ttialtu nih a chim.

Thawngpang Bultan

England le Germany, Ral an itu lai ti usih law kan palh lo kho.
FIFA World Cup 2010 cu an chuih i Group tthen an chuih dih deng cang. Team 16 an tlung lai i team 16 an taang lai. Atu ah a tlungmi an um len cang i team 16 a taangmi chung in England (Defoe nih a kaipi hna.) le Germany (Ozil nih a kaipi ve hna.) hi ai tong ding an si. Cucaah hi hna ram hnih iton ding cu Football kong lawng si lo in, a hlan i a rak i ralmi an sinak kha a lang tthan lai ti a si (it will be about more than football. Vg.no)

England nih voi 1 telawng Fifa World Cup an rak lak i 1966 ah a rak si. Germany he Final an rak kai i goal 4-2 in England nih an rak tei hna. Bobby Moore a minthan lio. Cu kum pin cu England nih World Cup an tei a um ti lo. 1970 ah Germany he quater-final ah an rak itong le (0-2) in England nih an rak celhpi hna i caan a dih lai ah Germany nih goal 3 an rak sut hna caah England an rak sung. 1990 ah semifinal an chuih tthan le (1-1) an rak si caah penalty an rak chuih i England an rak sung. Cu thok cu England cu Penalty an chuih paoh ah an sung peng. Tutan zong hi Germany he Penalty kan chuih kho te men an ti caah biatak te in Penalty chuih kan cawng lai, tiah England Coach nih chim.
England Coach Capello nih Slovania he an chuih lai ah England team kha beer a dangh hna. Mah cu amah coach lila nih a phuan.

Tennes tuanbia ah a rak um ballomi France miphun Nicolas Mahut le American pa John Isner cu London ah Wimbledon tennis zuamnak ah an itong i suimilam 10 chung an tuk tiang ah an i tei kho rih lo. Cucaah bualupa nih zan nazi 10:15 a si ah a mak ter hna, thaizing ah nan tu tthan te lai, a ti hna. Puai a dih rih lo nain vulei cung tennis tuk saubik record a si cang. Hlan i saubik an rak tuk cu 2004 Franch-Open ah a si i suimilam 6:33 chung an rak tu db.no.
Tuni zong an thok i an tu tthan. An i tei kho rih lo, hica ka ttial tiang ah. France pa nih, "a dih tiang tuk cu ka duh ko nain, bawlung ka hmu kho ti lo," tiah bualupa sinah a chim. Federer nih cun a fak tuk ve hna. "Hi hna pahnih an tukmi ka zoh hna tikah, Tennis ka rak tukmi hi kai uar chinchin. Aho hmanh pei sungh an duh lo hi," a ti. A bat lamtu cu an ba taktak khi a si.
Top 10 - tennis ah a saubik puai:
10 hours (an tu cuahmah rih ko) -- John Isner v Nicolas Mahut - 2010 Wimbledon
6 hours 33 minutes -- Fabrice Santoro nih Arnaud Clement a rak tei - 2004 French Open
6 hours 22 minutes -- John McEnroe nihMats Wilander a rak tei - 1982 Davis Cup
6 hours 21 minutes -- Boris Becker nih John McEnroe a rak tei - 1987 Davis Cup
6 hours 4 minutes -- Horst Skoff nih Mats Wilander a rak tei - 1989 Davis Cup
5 hours 59 minutes -- Radek Stepanek nih Ivo Karlovic a rak tei - 2009 Davis Cup
5 hours 46 minutes -- Arnaud Clement nih Marc Rosset a rak tei - 2001 Davis Cup
5 hours 45 minutes -- Mehdi Tahiri nih Gilles Muller a rak tei - 2005 Davis Cup
5 hours 31 minutes -- Alex Corretja nih Hernan Gumy a rak tei - 1998 French Open
5 hours 28 minutes -- Greg Holmes nih Todd Witsken a rak tei - 1989 Wimbledon

President OBAMA

Pre. Obama hi nai hrawng cu a lar lo ngai. Term 2nk a peh kho te lai lo ding a fiang ngai in chim a si cang. Mi van chia zong a si pah, Mexico i tinam (zinan) kong in siseh, Israel ruangah ram dang nih an huat phah kong zong ah, cun a dangdang kong ah a tla ngaingai. Cucaah, daihnak a ti lengmangmi tilawng hi a pil kho men an ti. Atu le bang cu Arab pawl nih, Obama nak in Osama Binladin a lar deuh tuk ving an ti, nain naite press conference ah Thopaw cu Obama hmurkam te ah a vai fu duak, i Obama cu mi nih an huat ngai nain Thopaw nih a duh ngai, an ti salam.
Ni zante ah Afghanistan i USA General lianbik an chiahmi Stanley McChrystal a rian in a phuah. Mah cu amah he ai ral ngaimi Repubulican hotu John McCain nih a hna tlakpi, a lung tlinpi ngaingai caah positive a va si.

Jesus a ra tthan lai
USA minung 40% nih tu hnu kum 50 chung ah Bawi Jesus a ra tthan lai tiah an zumh.
Jesus rat tthan lainak a nai tiah Bible lei thiamsang nih an chim. Jesus a rat lo hmanh ah tecnology thiamsan nak ruang ah kan vulei hi that lei panh lo in rawhnak a phan lai tiah an ruah. Tu lio vulei i cang cuahmah mi harnak, vialte hi Bible he ai kalh lo zia an hmuh tikah Bawi jesus rat lai cu a nai ko, kan nun chung kanmah chan ah hin a ra ko lai, tiah an zumh.

Cuvial.. www.vg.no, www.nrk.no chung relmi.

[ Source :; Fidi-phu@googlegroups.com biruahnak] post by BawiMangLian

Rian ahar ngai

DFW area um laimi cheukhat ca'ah cun rian ahar ngai cang. rian attuan cuahmah ko mi ca hna hmanh ah thindomh in rian anttuan hna aruangcu rian atlawm cangca'ah tuantuk ah inn an lawi ter lengmang hna, an dinh ter hna ti bantuk lawng te asi ii US cozah ruangzong ah si ko lai rian ahar pah ngai cang.

Rev.Dr. Chum Awi Denmark atlawng

CBC ii Emeritus Pastor le Director of E&M Rev.Dr.Chum Awi cu Denmark ii Baptist cheukhat hna sinah atlawng. CBC chairman Pu Van Uk nih " atu kan Pastor pa Denmark atlawn nak hi CBC nih Mission attuan mi asi" tiah thawngthanh caan ah thawngthan nak atuah.

LHS in laimi nih high school graduate an ngah

Lewisville High School ah laimi minung 50 hrawng kai nak ah CBC memberchungin Joseph Rung Hmung [former assistant captain, LHS-LS] le Shelly Par nih high school dih nak bawih kan hnu zarh [ani fianglo] te ah khan an lak. .

Lewisville Chin Student Kharpi an tuah.

Lewisville khua ii aum mi Lewisville High School ii akai mi Unau laitlai hna tawlrel nak in June 10,2010 ah Lewisville Lai Sianghngakchia hna cu Lewisville Lake ah sunglawi taktak in Kharpi an lawmh hna. an dih lak hin Minung 60 hrawng an si hna ii Fort Worth in pakhat hnih le Dallas lei in pakhat hnih nih an tel pi hna. Lewisville High School Lai Sianghngakchia tawlrel nak in tuah mi asi. Chin Student of the Year zong minung pali an thim hna. Philh lo nak dingah Cauk zong chuah an timh. Lewisville Lake ah cun nuam taktak in chun ni an liam. {LHS kharpi lio ii hmanthlak}

Dallas buu cheu khat CBFA civui kal an ii tim hna

CBFA cu America um Chin Baptist vialte ii hawikomh nak asi bang in Dallas ii CBFA members ah aa tel ve mi unau cheu khat hna cu civui zawh dingin timhlamh nak an ngei dih cang hna.
CBC le TCBC cu CBFA members an si ca'ah Civui zawh ding in timhlamh nak nganpi an ngei hna ii Vanlawng ticket zong an cawk dih cang hna. Mino hna zong manh lo ngang in hla an cawng peng ko. CBFA ci vui cu July 2-4 tiang DC ii CBMC church ah tuah asi lai. tlingdeuh in CBFA kong le civui kong theih na duh ah cun www.cbfamission.org ah va leng te...

Dallas Pumpululh Cup an tuah

Dallas ah Lai Upa pawl tawlrel nak in ii hawikomhnak ah pumpululh cup an tuah.
Sianghngakchia Buu zong an ii tel ve. Hi bu hi Sil, Champion ca'ah $800 man hrawng an tuah tiah, Sianghngakchia pakhat nih achim. vawithum tiang pakhat nak ii cuh asi ii avawi thumnak ii atei mi poh nih sil ngah asi lai. A voikhat nak cu Chin Dallas Student nih an lak. A vawi hnih nak cu Samsung Company rianttuan mi nih an ngah. A vawithumnak cu an chuih rih hna lo ii aho si lai aa fiang rih lo. an chuih caan poh ah hin mah le team cio cu ttanh asi ii azoh tu hi minung 100 renglo lengmang an si..

The Chin Circle Journal

" The chin people news of the DFW area"